Орал қаласында орналасқан 5517-әскери бөлімінде жас әскери тілшілердің бір күндік оқу-әдістемелік жиыны өтті.
Жиында бөлім командирінің тәрбие және әлеуметтік-құқықтық жұмыстары жөніндегі орынбасары, капитан Серік Әлімбеков пен «Батыс» өңірлік қолбасшылығы баспасөз қызметінің бастығы, майор Ерболат Сұлтанов құттықтау сөз алды.
Әскери бөлімнің клубында майор Е.Сұлтанов жас әскери тілшілердің негізгі қызметі жайында алғашқы оқу-әдістемелік сабақ өткізді. Сабақтар бекітілген кестеге сай жүргізілді. Сол күні бөлімнің тәрбие және әлеуметтік-құқықтық жұмыстары бөлімшесінің бастығы, капитан Сырылбек Куанғали «Ротадағы қабырға газетін белгіленген талапқа сай безендіру» тақырыбында көрсетілімдік сабақ ұйымдастырды.
Түстен кейін жас тілшілер «Жайық Пресс» ЖШС-ында болды. Мұнда олар облыстық «Орал өңірі» және «Приуралье» басылымдарының редакциялары мен баспаханада болып, журналистер мен баспагерлердің тыныс-тіршілігімен танысты. Кездесу барысында «Жайық пресс» медиа холдингінің басшысы Жантас Сафуллин мен облыстық газеттің бас редакторлары Бауыржан Ғұбайдуллин, Роза Сыиқова «Орал өңірі» мен «Приуралье» газеттерінің тарихы, бағыттары туралы сөз қозғап, жас тілшілердің сауалдарына тиянақты жауап берді.
Жас тілшілер жиын барысында басылымдарда көп пайдалана-
тын жанрлардың, әсіресе, заметка, очерк, мақала, репортаж және де фото түрлерінің қалай түсіріліп
және жазылу керектігі жайында терең дәріс алды. Жиынға қатысушылар кешкі мезгілде қаланың көрнекті жерлерін тамашалады.
Жиынның қорытынды жиналысында Ерболат Сұлтанов осы жиында оқытылған мәселелер бойынша сараптама жасап, оның жауынгерлерімізге келешек мамандығын таңдауда ой салатынына, білімдерін арттыратынына кәміл сеніп, игі бастамаларына шығармашылық табыс тіледі.
“Батыс” өңірлік қолбасшылығының баспасөз қызметі